Pɔgelebesego ( Divorce)

Pɔgelebesego de la malema asi'a ti ba ne iŋɛ ti pɔka la ka sira basɛ taaba gee kan le dɛna pɔga la sira. Pɔka la nyaa ne lebe la ka sɔ yire.

La kelum dɛna la pɔgesigera n ne tara pɔka la kiŋɛ ka sɔ yire la ta tɔgɛ pa'alɛ sɛla la sɛla n ta'asɛ ti pɔka la sira la kan le ta'am bɔna.

Pɔka la sɔ yire duma la me nyaa wan lebese sandaana la bii pɔgesigera la nua la, la nii bii sɛla ti ba daa sulɛ la bo ka sira yire duma la. Ŋwana za'an kelum dɛna la pɔgesigera nu'usin.

Yelesi'a n wan ta'asɛ ti pɔgelebesego bɔna.

. Ba san ti'isɛ ti pɔka la de la Sua.

. Pɔka la san zuura (ka san dɛna nayiga)

. Ka san tuna kabuŋa tuuma (ka san gã la budaasi yoo).

. Ka san ka nana ka sira, sira ma, bii zɛbera la ka yire la nɛreba daari woo.

. Ka san ka dikera sɔkɔ basa gee bɔta ti a vaara la lapɛa mɛ'i (ka san dɛna zinyagedaana)

. Ka sira la san namesera ka ti la gaŋɛ yele yele wuu ka bɔ'ɔra ka dia.

. Pɔka la san dita sankara basera sira Zuo.

Daanseko n boi pɔgelebesego puan bɔ'ɔra pɔga la sira, kɔma la tiŋa la duma za'an

1. Pɔka la ka sira la

. Namesegɔ n wan paɛ ba.

. Pupeelum kan bɔna ba tiŋasuka (ba wan dina taaba)

. Sira la ta'am kan le nyɛ pɔga di, la de la bala me ti pɔka la ta'am kan le nyɛ sira ele.

. La de la kɛsega, nyanɛ, tuurɛ la zufagesum bɔ'ɔra ba.

. La wan bo ba putɛdaaŋɔ zo'e zo'e.

2. Kɔma la

. Ba wan nyɛta la namesegɔ.

. Ba puti'irɛ wan daana ba.

. La wan dɛna nyanɛ, kɛsega, tuurɛ la zufagesum bɔ'ɔra ba la san dɛna ti ba ma la lebesego la de la sua bii nayigum iŋa.

. Kɔma la ta'am ta lebege kɔn-yaalesi.

. Ba kan le nyɛta bɔgese'ere n ze'eti ba dɔgereba zi'an paara ba la yele yele wuu ba ma.

. Ba kan zo'e la pɔgenɛ yɛm yele yele wuu sɛba n de pugeto la.

3. Tiŋa la duma.

. Pɔgelebesego tari la daaŋɔ bɔ'ɔra tinsi la me.

. La ta'am dɛna kɛsega, tuurɛ, nyanɛ, la zufagesum bɔ'ɔra pɔka la budaa la yire/tiŋa duma ti ba nɛra n zu bii n de Sua.

. Nɛreba ta'am kan le bɔta ti ba di pɔga bii ba ele sira yidinɛ/tinkaŋa puan.

. La de la putɛdaaŋɔ bɔ'ɔra yɛa/tinsi la nɛreba.

. Ba wan namesɛ mɛ gee lebese pɔgesulɛ lɔgerɔ/dusi la yele yele wuu la san ka bɔna.

. Nɛra la/tinsi la siyi la wan dina taaba.

Viisegɔ lɔgerɔ

Abiriya, M. (2003). Custom and Institution And Language Skills Development. Unpublished.