Wɔbegɔ

Wɔbegɔ. Wɔbegɔ dela goo duŋa n boi goo puan ɔbera muurɔ dee yuura ko'om gã. Ka de la dunsɛka n boi goo puan ti tu za'a sakɛ yeti dunkaŋɔ n kãregɛ gana dusi la za'a n boi goo puan la. Ka puurɛ la n kãregɛ la zuo, ku ka gãseri muurɔ dee ɔbera, hali la gu'usi me. Bala zou ti Farefari duma ni makɛ yeti. 'Wɔbegɔ tari la buurɔ ti a ɔbera gu'usi' ŋwana pa'alɛ yeti ku ka diti dia ti la daana ka puurɛ. Fu me san kelum dɛna nɛra dee dita zɔ'ɔra ti ba ni makɛ yeti, kɔ'ɔm di ta bo wɔbegɔ zaarɛ. Tu tari Wɔbedɔɔ la wɔbenya'aŋa mɛ, wɔbega me dɔgeri mɛ. Wɔbedɔɔ n ni tu wɔbenya'aŋa la ti ka ni sige sia bii a nyɔkɛ puurɛ dee nyaa dɔgɛ

Elephant_Diversity

Wɔbegɔ bino tari tuulum mɛ bɔ'ɔra tumam nɛresaaleba, ba tari wɔbegɔ bino tibera bã'asi zo'e zo'e. Ba me kelum tara wɔbegɔ yinɛ tibera bã'asi zo'e zo'e dee ba me kelum tara yinɛ wa malena tu buuri malema zo'e zo'e. Tiba duma zo'e zo'e me kelum tari wɔbegɔ zuurɛ malena ba malema zo'e zo'e.

Wɔbegɔ tuulum la zo'e me bɔ'ɔra tumam nɛresaaleba, hali ti paati ka sɛka dikɛ wɔbegɔ foote iŋa a futo puan ti ba wi'ira e tii, New patriotic party (NPP) la. Wɔbegɔ me kelum tara sisigo mɛ, a sisi la lɔkɔ n de mɔlega sugiya.

Wɔbegɔ me kelum bɔna yire puan mɛ, yɛsera la nɛreba zo'e zo'e me kelum ugera e mɛ, ba ni nyɔgɛ ba la muun puan sa, tari e wa'am yire wa ugera.