Talensi Nabdam District

Talensi Nabdam District de la district n yuun boii Upper East Gaana so'olum. Pi'ilego la puan, di yuun pa'asɛ la 'Bolgatanga District' puan August ŋmarega 2004 yuunɛ la puan. Amaa 28 June, 2012 ti ba yuun yelege di iŋɛ district duma bayi. Talensi District tinkãtɛ de la Tɔŋɔ gee ti Dabdam District me dɛna Nangu'urɔ.

'District assembly' la yuun nam boi la Upper East so'olum wa tiŋasuka ti Tɔŋɔ yuun dɛna ba tinkãtɛ.

2010 yuunɛ la puan, Talensi- Nabdam Distrct yuun tari la nɛreba kãlɛ n wam paɛ 94,650. Tiŋa wa nɛŋa bɔba de la Bɔlega District, di pooren de la West la East Mampuresi District, di saazuo bɔba de la Bawku West District gee ti di tiŋa nuuren bɔba me dɛna Kasina- Nankani District.

Talensi Nabdam District wa tari la kunkuma n wan dɛna wuu 1% ta paɛ 5% kɔbega puan gee ti tãsi me kɔ'ɔm zo'e bini. Tiŋa la puan ti "red and white Volta dɔla tɔla.

Tiŋa tari la siwo la uunɛ. Siɔ la ta'am pɔsɛ May ŋmarega la puan ta paɛ October ŋmarega ti uunɛ yilegɛ. Uunɛ la n tugum zo'e ni ze'ele October tara bala ta paɛ April ŋmarega yuunɛ woo.

Tiŋa la tari la tiisi la muurɔ n ani gira yɛsera la saa n ka niiri yuura la zuo. Uunɛ san ni yilegɛ, yɛsera la wuntɛɛŋa la n ni sigera zɔ'ɔra la zuo, muurɔ la woo ni ki me bii bugum ni nyɔ si.

Tisesi n ba'am zo'e tiŋa wa puan de la tu'usi(baobab), ta'asi( shea nut trees), dũusi (dawadawa trees) la zaasi ( acacia).