Robert Sarfo-Mensah

Robert Sarfo Mensah dela Gaana nalɛgera , a me daa pa'asɛ la Gaana palemɛnti zi'irego bunuu la buyoobi ba pɔsɛ nu'usi di'isego bunaasi la puan ( Fifth and sixth Parliamentary of the fourth republic of Ghana).  A daa ze'ele bo la Asunafo North n boi Bring Ahafo so'olum, Gaana tiŋa wa puan.

A vom pɔsega la a sukuu yɛla

Ba dɔgɛ e la dawalega ŋmarega la puan a  dabeserɛ a yila daarɛ, 1970 yuunɛ la puan. A zo'e la Mampong tiŋa n boi Ashanti so'olum. 2008 yuunɛ la puan ti a yuum siŋɛ GIMPA sukuu la ta zamesɛ to'e Executive Master's, dee a yuum pugum siŋɛ la Gaana Yunivɛsiti la puan ta to'e Bachelor of art degree in English 1996 yuunɛ la puan.

Tuuma yɛla

Sarfo Mensah dela kaara. A yuum de la "Assistant Revenue Officer of VAT service". A yuum kelum dɛna la " Public servant especially Tax Officer". 2017 yuunɛ la puan ti Gaana Gɔvemɛnti Nana Akuffo Addo yuum loe e ti a dɛna "Director General of the National Sports Authority of Ghana".Gɔvemɛnti yuum le ka sugesi e go'e a tuuma miŋa puan yese la n yuum sum ti a lagum pa'asɛ la " Visa scandal " puan ba yuum wa tara "Commonwealth games" n boi Australia tiŋa puan la. Gaana viisegɔ lahabaya duma yuum yese a yanɛ ti a boi Bini tɔgera ti a to'e la ligiri dee basɛ ti booleŋmɛ'ɛra Mina n yɛ kãla pia la ayi la po ŋmɛ Boole la.

Na'am yɛla

A yuum pɔsɛ dɛna MP la 2005 yuunɛ la puan. A de la Awɔbegɔ paati la nɛra. N yuum pɔsɛ dɛna MP wa de palemɛnti zi'irego bunuu zuo Gaana duma n pɔsɛ nu'usi di'isego bunaasi puan(Fifth Parliamentary of the fourth republic of Ghana). A yuum ze'ele bo la Asunafo north n boi Bring Ahafo so'olum puan. Dee, a yuum le to'e kuka miŋa mɛ pa'asɛ buyi zuo, palemɛnti zi'irego buyoobi zuo Gaana duma pɔsɛ nu'usi di'isego bunaasi puan (sixth Parliamentary of the fourth republic of Ghana).

Di'isego

Sarfo Mensah yuum pɔsɛ di na'am wa la 2004, Gaana duma za'a loosego la yuunɛ puan. A yuum di la Asunafo north MP kuka n boi Bring Ahafo so'olum. A yuum ze'ele bo la Awɔbegɔ paati la n de NPP la. A kuka wa yuum pa'asɛ la palemɛnti kugesi pia la banaasi zuo yɛsera kugesi pisiyila banaasi ti Awɔbegɔ duma paati la yuum di yuumdini loosego puan Bring Ahafo so'olum la puan. Loosego kana miŋa nuu puan, Awɔbegɔ paati la yuum di palemɛnti kugesi 128 zo'e gana fu san yese ba kugesi la za'a n de 230 la puan. Nɔreba 23,426 yɛsera nɛreba 45,308 puan n yuum di'e bo ti a di 51. 7%. A yuum di kuka wa de dee la Ama'asumtia  paati nɛra yu'urɛ n de Christian Atakoro Mensah, Benjamin Osei Kufour n ze'ele ka tara paati la CPP paati nɛra yu'urɛ n de Commey Kingsley, ti ba yuum nyɛ se'em n ŋwana doose ba yu'ura la n doose se'em la, 42.60%, 4.60% la 1.20%. Ba yuum le di'e bo e mɛ 2008 yuunɛ la puan. A yuum nyɛ la nɛreba 24,162 yɛsera nɛreba 45,642 za'a kãlɛ puan ti dɛna la 52.9%.  A yuum kelum di kuka wa de dee la Ama'asumtia  paati nɛra yu'urɛ n de Mohammed Kwaku Doku, DPP paati nɛra yu'urɛ n de Stephen Keabena la CPP paati nɛra yu'urɛ n de Seth George Mensah, ti ba yuum nyɛ se'em n ŋwana doose ba yu'ura la n doose se'em la, 46.1%, 0.30% la 0.60%.

A miŋa vom yɛla

Robert tari la pɔga la kwma banaasi. A me de la nasaawimpu'usa (Pentecostal church)