Nyariga

Nyariga Dela tiŋa n boi Gaana saazuon bɔba booŋo la Bɔlega so'olum puan. Tu tari Nyariga nɛreba basɛba n boi Booŋo so'olum mɛ Dee kelum tara basɛba me ti ba bɔna Bɔlega so'olum puan. Nyariga duma tari la dapika to ba wi'ira e ti Nyariga junction, ba me tari sukuu dumaɛ. Nyariga tiŋa duma tari Naba mɛ dee me kelum Tara asambulemaanɛ duma bayi.

leebego zi'an

Nyariga tari zi'an ti ba lɛɛbera ti ba wi'ira zi'an wa ti da'a. Da'a wa boi junction la puan, dee da'a wa puan me, ba kooseri lɔgerɔ buri buri bini mɛ. Ba kooseri Za'asum buri buri ti ba tara dugera dia la mɛ, ba me kelum kɔɔsa lɔgeyɛɛtɔ bini mɛ yele yele wuu zamatigesi,banaasi, lɛba la ba zo'e zo'e, ba me kelum kɔɔsa zɛvuma'asa buri buri bini mɛ, ba me kelum kɔɔsa ti buuri tuulum lɔgerɔ la zo'e zo'e, ba kooseri daam buri buri yele yele wuu damɔlega la, ba tari nuo tuuma zo'e zo'e bini ti nɛreba zamesera tuuma bini yele yele wuu Gurentam wuka, lɔgerɔ pia la ba zo'e zo'e. Da'a wa diti la dabesa anaasi daarɛ woo, bɔlega dakatɛ la dia daarɛ ti Nyariga da'a was me dita. Fu me san kelum paɛ da'a wa puan davoore daarɛ, fu wan kelum nyɛ sɛla woo ti fu bɔta da.

Sukuu duma

Nyariga tiŋa wa tari sukuu duma zo'e zo'e to ba bɔna tiŋa la puan.

1. Ba tari kɔmbibesi sukuu duma zo'e zo'e
2. Ba me kelum tara sukuu sɛka yu'urɛ n de pirameri la duma mɛ zo'e zo'e
3. Dee ɛsi ɛsi me kelum zo'e tiŋa la puan mɛ

Kua yɛla

Nyariga duma tuuma kankaŋi dela tɛ'ɛsi wuka la kua. Ba kuuri uunɛ la yuberɛ mɛ, uunɛ ba n

2. ni tara la via (vea) mɔgerɛ ko'om la po kuura, ba kuuri dia zo'e zo'e mɔgerɛ la puan mɛ, ba kuuri nanzu'usi, mui, bite, ma'ana, karewɛɛna, kamantuusi, alebasa, bemeto la dia zo'e zo'e. Ba kuuri dia wa ugera la ba yire duma dee me kelum tari basɛba kɔɔsa nyɛta ligeri maala ba yɛla. Nɛreba me kelum dɔla Nyariga duma nu'usen nyɛta ligeri tuuma tuna lɛbera maala ba yɛla. Nyariga duma me kelum kuura yuberɛ mɛ zo'e zo'e, ba me kelum tara ba dita mɛ de kelum kɔɔsa.