Namuboko
Boko dela tinbila bɔna Namuum tiŋa puan n boi booŋo so'olum puan Gaana saazuon bɔba. Boko duma tari ba da'a mɛ, ba me kelum Tara ba Naba la ba Napɔka. Ba me kelum tara ba asambulemaanɛ mɛ ti a bisera ba tiŋa la bɔ'ɔra Gaana zuo daana la. Tiŋa wa bo la Gaana puan Dee lem Yelewuuŋɔ n de Burkina Faso la. Tiŋa wa duma leeberi mɛ de me kelum kuura dita.
Leebego yɛla demese
Boko tari zi'an ti ba lɛɛbera ti ba wi'ira zi'an wa ti da'a. Da'a wa dela dapaalega dee da'a wa puan me, ba kooseri lɔgerɔ buri buri bini mɛ. Ba kooseri Za'asum buri buri ti ba tara dugera dia la mɛ, ba me kelum kɔɔsa lɔgeyɛɛtɔ bini mɛ yele yele wuu zamatigesi,banaasi, lɛba la ba zo'e zo'e, ba me kelum kɔɔsa zɛvuma'asa buri buri bini mɛ, ba me kelum kɔɔsa ti buuri tuulum lɔgerɔ la zo'e zo'e, ba kooseri daam buri buri yele yele wuu damɔlega la, ba tari nuo tuuma zo'e zo'e bini ti nɛreba zamesera tuuma bini yele yele wuu Gurentam wuka, lɔgerɔ pia la ba zo'e zo'e. Da'a wa diti la dabesa anaasi daarɛ woo, bɔlega dakatɛ la dia daarɛ ti Namuboko da'a wa me dita. Fu me san kelum paɛ da'a wa puan davoore daarɛ, fu wan kelum nyɛ sɛla woo ti fu bɔta da. Ba me kelum kuura dusi mɛ da'a miŋa puan kɔɔsera. da'a daarɛ woo, bakooseri nɛma'asa mɛ da'a was puan
Sukuu duma demese
Boko tiŋa wa tari sukuu duma zo'e zo'e to ba bɔna tiŋa la puan.
- Ba tari kɔmbibesi sukuu mɛ, ba tari la bayi
- Ba me kelum tara sukuu sɛka yu'urɛ n de pirameri la mɛ, ba tari la bayi
- Dee ɛsi ɛsi me kelum bɔna tiŋa la puan mɛ ti a dɛna ayila