Gowrie

Gu'urɔ dee ti ba ni gulesi e tii Gowrie, Gu'urɔ wa Dela tiŋa n boi booŋo so'olum Gaana saazuon bɔba. Gu'urɔ tiŋa duma tari ba naba me dee me kelum tara ba asambulemaanɛ, tiŋa wa duma leeberi mɛ de me kelum kuura. Gu'urɔ tiŋa wa tari la sukuu katɛ to ba wi'ira tii ɛsi ɛsi la. Gu'urɔ duma diti la bɔlega da'a dee ba tari la zi'an Lem ba sukuu katɛ la to ba kɔɔsa lɔgerɔ.

Leebego yɛla

Gu'urɔ duma

tari zi'an ti ba lɛɛbera ti ba wi'ira zi'an wa dapika'a. Da'a wa boi la mɔgerɛ la b lem ba sukuu katɛ la yaŋa nuurenɔba, dee da'a wa puan me, ba kooseri lɔgerɔ buri buri bini mɛ. Ba kooseri Za'asum buri buri ti ba tara dugera dia la mɛ, ba me kelum kɔɔsa lɔgeyɛɛtɔ bini mɛ yele yele wuu zamatigesi,banaasi, lɛba la ba zo'e zo'e, ba me kelum kɔɔsa zɛvuma'asa buri buri bini mɛ, ba me kelum kɔɔsa ti buuri tuulum lɔgerɔ la zo'e zo'e, ba kooseri daam buri buri yele yele wuu damɔlega la, ba tari nuo tuuma zo'e zo'e bini ti nɛreba zamesera tuuma bini yele yele wuu Gurentam wuka, lɔgerɔ pia la ba zo'e zo'e. Da'a wa diti la dabesa anaasi daarɛ woo, bɔlega dakatɛ la san di tulege dabasa ayi daarɛ ti via da'a wa dita. Da'a wa la yelewɔɔŋɔ da'a la lagum dita la daarɛ ayila. Fu me san kelum paɛ da'a wa puan davoore daarɛ, fu wan kelum nyɛ sɛla woo ti fu bɔta da.

Gu'urɔ duma tuuma kankaŋi dela zim nyɔka

la kua. Ba kuuri uunɛ la yuberɛ mɛ, uunɛ ba n

ni tara la via (vea) mɔgerɛ ko'om la po kuura, ba kuuri dia zo'e zo'e mɔgerɛ la puan mɛ, ba kuuri nanzu'usi, mui, bite, ma'ana, karewɛɛna, kamantuusi, alebasa, bemeto la dia zo'e zo'e. Ba kuuri dia wa ugera la ba yire duma dee me kelum tari basɛba kɔɔsa ligeri maala ba yɛla. Nɛreba me kelum dɔla Goori duma nu'usen nyɛta ligeri tuuma tuna lɛbera maala ba yɛla. Goori duma me kelum kuura yuberɛ mɛ zo'e zo'e, ba me kelum tara ba dita mɛ de kelum kɔɔsa.

SUKUU DUMA[demese | demesego zia]

Gu'urɔ tari la sukuu duma mɛ zo'e zo'e

Kumbibisi sukuu la ti ba wi'ira tii, deekɛɛ la boi bini mɛ.

Ba me kelum tara sukuu sɛka ti ba wi'ira tii, pirameri sukuu la.

Ba kelum tara sukuu sɛka ti ba wi'ira tii, Gee ɛsi ɛsi la sukuu katɛ la n de ɛsi ɛsi la.

Sukuukatɛ

Goori kɔmbibesi sukuu katɛ de la sukuu suma la puan ayima n boi Gaana wa. Gowrie kɔmbibesi gɔnɔ la nu'usi zamesegɔ sukuu katɛ la de la kɔmbibesi sukuu kara la puan ayima n boi Gaana saazuo so'olʋm la puan (upper east region) bɔna Goori n boi Booŋo tiŋa puan (Bongo District). Sukuu la bo la c wele 'category c' la puan.

Sukuu la yuum pɔsɛ la 1991. Ka yuum pɔsɛ dɛna la so'olum la kɔma sina zamesera dee kula sukuu (community day school) dee yuum nyaa ta kãregɛ lebege tara kɔma gã'aregɔ zi'an ti ba wi'ira ti boarding house la 2002/2003 yuunɛ la puan.

Sukuu la putɛ'ɛrɛ (vision)

Goori kɔmbibesi nu'usi la gɔnɔ zamesegɔ sukuu katɛ la putɛ'ɛrɛ de la ba sukuu la dɛna wia nu'usi tuuma la mi'ilum puan zamesera kɔma ti la suŋera ba, ba vom puan

Mission

Sukuu la mission de la ba zamesɛ kɔma ti ba beere dɛna kɔnsɛba n mi tuuma dee tana tuna suŋa suŋa suŋera ba mɛsi la tiŋa wa za'an.

Sukuu la n pa'ali sɛla la sɛla

Goori kɔmbibesi sukuu katɛ la zameseri la 'programs' siyooobi suŋa suŋa sukuu la puan 'Programs' duma la n ŋwana gã tilum wa:

Agric, Business, Technical, Home Economics, General Science la, General Arts

Viisegɔ lɔgerɔ . https://ghanaschoolsonline.org . htt://www.mynewsgh.com .htt://www.a1redioonline.com .htt://mapcarta.com