Daimokutate

Daimokutate (題目立) wa de la saaŋɔ baaŋa n iti bɔna Yahashira tinganɛ puan n boi Kami-fukawa tiŋa puan lɛm Nara tinkatɛ la puan .

Daimokutate

tradition

Subclass of	storytelling, Shinto ritual
Country	Japan
Located in the administrative territorial entity	Nara
Coordinate location	34°38′36″N 135°59′4″E
Country of origin	Japan
Day in year for periodic occurrence	October 12
Intangible cultural heritage status	Representative List of the Intangible Cultural Heritage of Humanity, Important Intangible Folk Cultural Properties of Japan
Described at URL	https://ich.unesco.org/en/RL/00276, https://ich.unesco.org/fr/RL/00276, https://ich.unesco.org/es/RL/00276

Shinto deo wa n boi  Kamifukawa la tari buuei malema n saki to'ora budibela n paɛ yuum oia la ayopɔi ti ba laguma bɔna ba buuri malema n de yimpu'usegɔ la puan. Ba ni iŋɛ malema wa la ba pu'usegɔ deo la puan. Ba san ni to'e budibela pa'asɛ ba puan, la ni nyaa pa'ala ti bia la nyaa de la bunkutɛ n bala.

Malema la itegɔ

Budibepɔɔleŋɔ n paɛ wuu yuum pia la ayopɔi ( la san dɛna wuu ba ka nyɛ budibeto n paɛ yuum pia la ayopɔi, ba ta'am ni dikɛ sɛba n ka paɛ yuum pia la ayopɔi bii ba ta'am dikɛ sɛba n mi gaŋɛ yuum pia la ayopɔi mɛ lagum pa'asɛ tum malema wa mɛ). Ba ni basɛ mɛ ti budibeto wa ni ze'ele bɔbeyinɛ kilega lene gee nyaa yɛ samurai lɔgeyɛɛtɔ gee kelum tu kana. Budanya'aŋa n  ni yi ba yima yima ti ba wa'am ti a nyaa ni kaalɛ gee yi'ira yele-iteba yu'ura n zaberi la taaba bɔna sɔlema puan yɛsa Minamoto la Taira yzuto la puan. Yuuma ka dole malema wa itegɔ puan. Yele-iteba pisiyi la ba yoobi la za'a nyaa san ni ta tɔgɛ ba'asɛ ba nyaa ni dikɛ la ba nama sige tiŋa kankaŋi gee pɔsɛ yuuna uɛsera nyiŋa.

Pɔsega la puan, malema la ti ba yuum ni iŋɛ ta'am to'e budibeto n paɛ yuum pia la ayopɔi n nyaa de bunkureba la bɔna Kami-fukawa yizuo la puan la, nananawa,  Daimokutate nyaa de la sɛla ti ba ita yuunɛ woo puan bɔna bureya pooeen ŋmaresi pia la tiŋasuka. Budibeto yima yima (kɔma la bunkureba) yɛsa yizuto yima yima puan. Malema wa de la Japan duma buuri malema tari de'eŋo la wa'a. Daimokutate  wa mi kelum dɛna yele n paɛ kankaŋi, sɛla n sɔi la, la de la sɛla ti ba tara baŋera buuri la gee mi kelum dɛna sɛla n ni tari lageŋɔ bɔna tinsesi n boi tasi zuto la puan.

A tuusum yɛla

Daimokutate  wa  yuum de la sɛla ti ba yuum de'ena bɔna Muromachi ba'asegɔ saŋa la puan. Daimokutate malema wa de la buuri diyima n tari saŋa baaŋa wa tingama puan. La de la sɛla ti nɛŋa woo wan ta'am yeti la de la sira gee la mi kelum gulesɛ mɛ ga gɔŋɔ puan n tara daalum wa 1534.

Ba lagesɛ gɔnɔ mɛ yɛsa buuri la malema yele. Budaa wa yu'urɛ de la Hosen Jungo ze'ele 1953 ta paɛ 1955 yuuma la puan. Malema wa ga mɛ kan bike, amaa yɛla la zo'e zo'e ka ta'am pa'asɛ sɛla ti ba lagesɛ biŋe wa puan.

Daimokutate pa'asɛ 'UNESCO Intangible Cultural Heritage Lists, la 2009 yuunɛ la puan.