Booŋo MP Duma (Nɛresɛba n tabelɛ di Booŋo kuka la kiŋɛ Gaana Palemɛti)
,Booŋo MP Duma (Nɛresɛba n tabelɛ di Booŋo kuka la kiŋɛ Gaana Palemɛti). Booŋo de la tiŋa ayima n boi Gaana tinsi la puan. Booŋo kelum dɛna la 'constituencies' la ayima tara nɛra ti ba wi'ira e ti MP ti a kina Gaana Palemɛti zɛ'ɛta bɔ'ɔra Booŋo duma dee kelum tuna bɔ'ɔra Gaana za'a waabi. Booŋo boi la Gaana tiŋa puan. Boosi ni votum mɛ loe nɛra ayima ti a dɛna ba nɛŋa daana zɛ'ɛta ba na'arɛ kina Gaana Palemɛti tuna bɔ'ɔra ba. Booŋo kelum bɔna la 'Upper East Region ' Gaana puan.
Voteŋo yuum pɔsɛ Booŋo la 1954 yuunɛ la puan. Ba yuun votum ba'asɛ ti Hon. William Atia Amoro n yuun di kuka la. Amoro yuun ze'ele la 'Convention People's Party's (CPP) paati la na'arɛ bɔna Booŋo wa. A yuun tum la 1954 yuunɛ tari ta paɛ 1966 yuunɛ
1969 yuunɛ voteŋo la, Hon. Azabiri Ayamga n yuun di kuka la. Azabiri yuun ze'ele bo la 'Progress Party' (PP) paati la na'arɛ bɔna Booŋo wa. A yuun tum la 1969 tari paɛ 1972 yuuma la puan
1979 yuunɛ voteŋo la me, Hon. Asoko Asampambila n yuun di kuka la. Asoko yuun ze'ele bo la 'People's National Convention' (PNC) paati la na'arɛ bɔna Booŋo wa. A yuun tum la 1979 tari ta paɛ 1981. La yuun nyaa paɛ la zi'an ti ba wi'ira ti 'Democracy' la, 'democracy' vuurɛ de la, wara n nyaa boi gu'ura nɛreba la n boi tiŋa la puan la ti nɛra woo ka ta'am tuna eŋa n boti se'em, dee tuna dɔla la wara la.
Gaana za'a yuun le votum mɛ 1992 yuunɛ la puan ti Hon. Gaaga Akayeri Azitariga yuun di Booŋo kuka la. Gaaga yuun ze'ele bo la 'National Democratic Congress(NDC)' paati la na'arɛ bɔna Booŋo wa. Gaaga yuun tum la 1992 tari ta paɛ 1996 yuuma la.
1996 voteŋo la, Hon. Simon Alangde Asabo me n yuun di kuka la. Simon yuun ze'ele bo la 'National Democratic Congress' (NDC) paati la na'arɛ bɔna Booŋo wa. Simon yuun tum la 1996 tari paɛ 2000.
2000 voteŋo la, Hon. Albert Abongo me n yuun di kuka la. Abongo yuun ze'ele bo la 'National Democratic Congress' (NDC) paati la na'arɛ bɔna Booŋo wa. Abongo yuun tum la 2000 tari ta paɛ 2016. Sɛba za'an waabi n tabelɛ di Booŋo kuka la, Hon. Abongo n di kuka la yuɛ gaŋɛ ba za'an. Dee sɛba n wa'am poorum na la ka pa'asɛ bini.
Gaana za'a le votum mɛ n bo 2016 yuunɛ la ti Hon. Edward Abambire Bawa yuun di kuka la. Bawa tuunsuma zuo, Boosi yuun le malum votum mɛ loe e ti a le lebe Palemɛti ta tum pa'asɛ. Nananewa, Abambire n kelum dɛna Booŋo kuka la zuo daana palemɛti paɛ zina wa.