Wikipiidiya

Bolgatanga

Ghana saazuon so'olum

C-Class

Bɔlegataŋa
town
Native labelBolgatanga Demese
ContinentAfrica Demese
CountryGhana Demese
Capital ofUpper East Region Demese
Located in the administrative territorial entityUpper East Region, Bolgatanga Municipal Assembly Demese
Located in time zoneCoordinated Universal Time Demese
LocationUpper East Region Demese
Coordinate location10°47′8″N 0°51′5″W Demese
Official websitehttps://bolma.gov.gh/ Demese
Map


Bɔlegataŋa (Bolgatanga) de la tiŋa n boi Ghana. Bͻlega de la tiŋa dee me kelum dɛna Gaana wa saa zuo so’olum (Upper East) la za’a tinkãtɛ,[1][2]a de la Gaana wa tinsɛka n kͻ’ͻm lɛm beense’ere n gu gã Gaana la Burkina Faso tiŋasuka la. Bͻlegataŋa so’olum wa tari la 2012 zi’isi n de kua zi’isi dee ti ba nɛreba kãlɛ me dɛna 66,685.[3] Fu san ze’ele Tamalɛ (Tamale) wɛ’ɛsa Bͻlega la de la 161 km n de wuu (100 miles).

Bͻlegataŋa wa yalegɛ doose la Voleta mͻgemͻlega (Red Volta River) mina n de sore bo wͻberͻ ti ba dͻla yakera tinsi puan la, tari ta paɛ voleta mͻgepɛɛlega (White Volta River) di me kelum doose bala ta paɛ Gambaaga lɛmena n de Bͻlegataŋa so’olum tiŋa nuurɛ bͻba beene.[4]

Bolga Naaŋɔ

demese

Bͻlegataŋa (Bolegataŋa) yelebire wa ze’ele la Gurenɛ yelebɛa n de “Bole” tintͻnͻ de ti “Taŋa” la me ze’ele tansi puan. Fu san bisɛ yeletuulesum la puan paɛ, Bͻlegataŋa yuum pͻsɛ ze’ele la Trans-Saharan trade route. ‘Eastern’so’olum pͻsega tuulesum ze’ele la Sahelian tuulesum puan, kͻ’ɔm lɛm la Bͻlegataŋa. Yeletuulesum la puan, nu’usi tuuma yele yele wuu tɛ’ɛsi wuka, sapiba wuka la peno wuka, la gama (leather) lͻgerͻ, bansi (jewellery), la buuri lͻgeyɛɛtͻ yuum tari tɛɛsena mɛ bͻ’ͻra de tee tͻ’ͻsera gu’urɛ la yaarum. Saazuo (Upper East) so’olum wa, zi’an ti ba yeti Bͻlegataŋa la, yuum lagum pa’asɛ la saazuo so’olum la ti ba wi’ira ti (Upper Region) la. Ze’ele 1902 yuunɛ la puan ta paɛ 1960 yuunɛ la puan, “Northern” so’olum la yuum de la British duma n yuum sͻ bini bisera; 'La yuun de la siibenya'aŋa 1', 1960 yuunɛ la puan ti ba yuum ta pu ‘Northern’ so’olum wa buyi ti tu nyaa tara ‘Upper Region’ n de saazuo so’olum la ‘Northern’ miŋa so’olum la.

Pooren ti ‘Upper Region’ so’olum la me yuum ta welege buyi, ‘Upper East’ so’olum la ‘Upper West Region’ so’olum 1983 yuunɛ la puan. Bͻlegataŋa tiŋa nɛreba wa yuum ze’ele la Yua tiŋa n boi ‘Kasena Nankana East’ so’olum la yese wa’am wa zi’ire bͻlega tiŋa la puan. Bͻlegataŋa timbibesi wa de la; Atulebabiisi, Daŋmiͻ, Buke’ere, Zaarɛ, Yekinɛ, Sumbureŋͻ, Yͻregͻ, Siirigͻ, Bͻlega-Suum, Yaregabiisi, Zuwͻreŋͻ, Pͻͻlekͻ, Tindͻmͻlegͻ, Gumbiisi Zongo and Zongo. Apͻkabiisi n boi Buke’ere wa, Bͻlega tiŋa puan la,  Apoka Kariyane n yuum tari ba wa’am wa zi’ire.[5]

Ba Lɔ Zɔŋa Yɛla

demese

Lͻa zo'e zo'e bo mɛ vaara nɛreba zɛ’ɛta Bͻlegataŋa sina tinkareba puan magesi wuu, Ankara (Accra), Kumaasi, Mim, Ahafo, Cape Coast, Sunyaani, Tamaleɛ, Tema, Ho, Wa, Elubo, Aflao, and Techiman.Sɛla n de naana bͻna Bɔlega so’olum ti ba tara vaara nɛreba de la pupu sɛka n tari nama ata la ti ba wi’ira ti Candoo.[6][7] De me kelum tara Pupu sɛka n de nama atã ti ba wi’ira ti motoking la, ti ba tara vaara lͻgerͻ.[8] Dee ba me daa kelum tara buŋa torego lagum vaara lͻgerͻ dee tiŋa la n teere la iŋa ti ba me ka le ba’a tara ba le vaara lͻgerͻ bala bͻlegataŋa so’olum.

Ba Vom Yɛla

demese

Ba mi Bͻlegataŋa duma la nu’usi tuuma n de ‘crafts’ bͻna ‘Upper East Region’ so’olum, de me kelum tara da katɛ. La lͻgesɛba ti tu pugum nyɛta kinkɛlesi la, sapibere sɛka ti ba wi’ira ti Bͻlega sapibere la, ba wugɛ e la bͻlega so’olum de kelum kͻͻsa ba bͻlega. Bͻlegataŋa so’olum kͻrekͻrum la za’an lagum maala gama lͻgerͻ, tɛ’ɛsi wuka, la Zamatigesi mɛ. Ba kooseri lͻgerͻ wa la Bͻlega so’olum da’asi la puan, ti da’asi wa me de le dabesa ata ata daarɛ woo.[9]Ba me kelum tara lͻgenyalema (museum) zi’an mɛ, yise’ere n tari buuri lͻgerͻ bͻna ‘Upper East Region’ so’olum.[9]

Climate

demese

Bͻlegataŋa tari la hot semi-arid climate (Köppen climate classification BSh).

Tuuma La Ba Dia

demese

Bͻlegataŋa so’olum tiŋa nɛreba zo’e zo’e de la kaareba. Ba kͻ’ͻm kͻͻra la naara, karewɛɛna, kimͻlega, mui, tɛa, sukaam, la nanugela yuunɛ saŋa woo de me kelum kͻͻra albasa, kamantuusi la nazu’usi uunɛ saŋa woo. Ba me kelum kͻ’ͻm mɛ de gu'ula dɛna la kaara woo n ugeri nuusi la dusi. Bͻlega duma dia kankaŋi kͻ’ͻm dɛna la sagebͻ ‘Tuo Zaafi’ (TZ)[10] ti ba tara ki, karewɛɛna, bii kipɛɛlega zom mͻna bu, la vuurͻ ziirͻ (bemeto, bitͻ), ma’ana ziirͻ, mui koko.

Tɔrizim

demese

Architecture and sights of Bɔlegataŋa

demese

Sukuru duma n boi Bolga So'olʋm

demese

Gɔnɔ Kaalegɔ Zi'an

demese

J. Max Bond Jr. mina n yuum di American architect wɔ'ɔrɛ la n yuum mɛ Bɔlegataŋa gɔnɔ kãalegɔ deo la. La me yuum de la Le Corbusier n yuum lagum suŋɛ e ti a mɛ. Bond yuum kɛ Gaana tiŋa wa la yuuma anaasi 1960s yuuma la puan sa.[9]Bɔlegataŋa gɔnɔ kaalegɔ deo wa n yuum de a tuunɛ wia daana ti a yuum tum kankaŋi amiŋa de nyaa yuum tuna bɔ'ɔra 'national construction company'. A yuum mɛ e suŋa suŋa de iŋɛ yogero iŋɛ a puan, a me yuum ka deo wa wuu ma'asumtia la, ti ŋwana wa basɛ mɛ ti sapebesumɔ lɔbera paara deo miŋa puan mɛ suŋa suŋa.[9]

Paga ɛbesi bɔŋa zi'an (Crocodile Pond)

demese

Pɛgerɛ la miŋa: Paga Crocodile Ponds (ɛbesi bɔŋa zi'an) 40 km n de wuu 25 miles fu san ze’ele Bͻlegataŋa wɛ’ɛsa Paga ɛbesi (crocodile) bɔŋaa zi’an la.[9] ɛbesi (crocodiles) bana n de naana bͻna Gaana tiŋa puan wa puan ti nɛreba kina bisera de yɔɔra ligeri. Ba yeti tiŋa wa naduma yizuo la sɛɛsi n boi ba puan. ɛbesi wa me kͻ’ͻm ɛɛra mɛ ko’om la puan de ti daaŋͻ ka bͻna bini. Ba me kͻ’ͻm ɛɛra la bala dee ti nɛra kan malum daam ba.[9]

Bɔlegataŋa craft zi'an

demese

Bͻlega duma tari zi’an ti ba maala lͻgerͻ iri iri de me kelum kͻͻsa lɔgerɔ iri ir magesɛ wuu; tɛ’ɛsi, dansigesi/zamatigesi, sapiba, tampͻtͻ, gama tuuma (gama tampͻtͻ, gama tagera), ba buuri bɛa la buyoo bɛa, yagebera nereba, laasi (bowls), maala tu buuri gulo, ‘Mali’ tiŋa duma yagebegͻ, Nigeria tiŋa la tinsi zo’e zo’e yagebegͻ. Ba yuum mɛ zi’an wa la 2003 yuunɛ la puan, Bɔlega 'municipal assembly' duma n yuum mɛ ka ti ba basɛ ti tu Gaana wa la Africa tiŋa buuri malema za’an tole nɛŋa.

Gɔmena nalɛgum ɔfisum duma

demese

Bͻlega gͻmena nalɛgerɛ zuo daana de la ‘Municipal Chief Executive’ (MCE) dee 2021 yuunɛ la puan ti Nana Akufo-Addo, mina n de Gaana za’an kuka zuo daana la yuum loe Rex Asanga[11] ti a dɛna zuo daana bͻna Bɔlega 'municipal chief executive, Bͻlegataŋa.

J.Max Bond Jr n yuum doreŋɛ Boletaŋa gɔnɔ bigere zi'an ti ba mina ti ba nyɛta wɔɔrɛ American dɔrɔdɔreba zaa,se'em ti le Corbusier yuum pa'asɛ. Bond yuum kɛ Gaana paɛ yuuma anaasi 1960s puan.Boletaŋa gɔnɔ bigere zi'an wa n yuum n dee a wia tuunɛ kaŋekaŋe dee yuum kelum tuuna la Gaana wa zaa miisi tuuma zi'an. Dɔredɔrena suŋera ti ba vuuta yoogerɔ dangɔma puasi la mantia wɔhɔ pelega,bala la deo la ni maɛ me dee ti kɔsebe maasega kiira.

Viisegɔ Lɔgerɔ

demese
  1. ↑ Amenuveve, Vincent (19th May, 2021). Upper East Regional Police Command acquires 3 motorbikes to increase patrols.
  2. ↑ Adeaga, Favour (2021-01-27). The Upper East Region districts and their capitals in Ghana (en).
  3. ↑ Bolgatanga Municipal (Municipal District, Ghana) - Population Statistics, Charts, Map and Location.
  4. ↑ Ghana » Upper East Region » Bolgatanga Municipal (2014-04-19).
  5. ↑ Apoka Karenyanne one of the Warrior Queen of Northern Part of Ghana , West Africa..
  6. ↑ Tricycle operators urged to comply with traffic regulations - A1 Radio Bolgatanga (en-US) (2021-12-22).
  7. ↑ Bolga Cando drivers mull over increment in transport fares - A1 Radio Bolgatanga (en-US) (2022-05-11).
  8. ↑ Feature: Authorities must focus on training tricycle operators - A1 Radio Bolgatanga (en-US) (2022-05-03).
  9. ↑ 9.0 9.1 9.2 9.3 9.4 9.5 Upper East Region Attractions - Ghana Tourism Homepage (2014-03-17).
  10. ↑ How to prepare Tuo Zaafi and Ayoyo stew in Ghana. – My Recipe Joint (en-US).
  11. ↑ Rex Asanga confirmed as Bolgatanga MCE - A1 Radio Bolgatanga (en-US) (2021-09-30).
Foo yese "https://gur.wikipedia.org/w/index.php?title=Bolgatanga&oldid=15848"