Baga La A Ga'a Zia Yiri Poun

E-Class

Bagekaabera woo yire puan tari la Baga tɔka tɔka. Magese wuu bagesɛba n de; sɔyaabeduma, sɔduma, mayaabeduma, maduma, bagesɛka ti ba kiŋɛ ta di wa'am na, fu san ku la goo/moen duŋa ti la nara ti fu mɛ kaabera bii fu nɛra daa san ŋma bakolego gee ki ti la nara ti fu mɛ kaabera e.

Sɔduma la sɔyaabeduma la ni mɛ la zinyɔren. Bama n narɛ ti ba bɔna zinyɔren bisera ti sa'aŋɔ da kɛ̃ yire la puan.

Maduma la mayaabeduma la me ni mɛ la zinzakan bii bɔ'en. Bama n sɔ deon la bisera ti sɛla n de sa'aŋɔ san zɔɛ zinyɔren la kɛ, ba wan lagum la sɔduma la sɔyaabeduma la zɛbɛ la sa'aŋɔ la. Bagese'ere ti ba kiŋɛ ta di la ni mɛ la bɔ'ɔ puan bii ba mɛ di gɔsegɔ. Sɔ bii yaaba bakolego ni mɛ la gɔsegɔ bii zinyɔren deti sɛba bakolo me mɛti la zinzakan ti a sɔna bisera zi'an woo yire la puan.