Ayimpaŋa

Ayimpaŋa (ti basɛba gulesera di ti 'Ayimpanga') de la yu-bo'ote ti ba tara sigera budibeto Atibirefãreŋa buuri puan. Ba ni dikɛ yu'urɛ wa sigɛ bia dɛna wuu se'ere san iŋɛ bia la dɔgereba, bii yele san paɛ bia la dɔgera bii dɔgereba, ti ba ka ti'isɛ ti maalegɔ wan ta'am bɔna gee ti Naba Ayinɛ pa'alɛ A paŋa ti yele la ti bia la dɔgereba la ka tari ni puti'irɛ ti di wan nyaŋɛ maalɛ ni la gee ti di nyaa ta ta'am maalɛ la, ba san ta dɔgɛ ba bia ti a dɛna budibela, ba ta'am sigɛ e ti 'Ayimpaŋa', ti la pa'alɛ ti Yinɛ paŋa zuo ti bama dɛna bama n de nɛresɛba la. Dagi bala ma'a. Pɔka me san kelum tara puurɛ, ti a dɔgum saŋa paɛ ti a bɔna bini viregera ti a dɔgɛ gee ti dɔgum la ka kina bii too la mugesego bɔna bini, ti ba mɛ ti ba dɔgesɛ e koŋe. Ba'asegɔ za'a Naba Ayinɛ san ta pa'alɛ A paŋa ti bia wa nyaŋɛ yese na la laafia, ti be'em ka paɛ pɔka wa la a bia wa, dɔgereba la ta'am sigɛ bia la ti 'Ayimpaŋa'.

Di gi'i za'a de la, Ndugema Na'ayinɛ san tum tuunɛ bo nɛra ti aduma suure kɛ di, aduma san ta dɔgɛ a bia a ta'am dikɛ yukuna taaba sigɛ bia la mɛ, yele yele wuu bia la san dɛna budibela.