Ana'ampa'aseya

Ana'ampa'aseya de la farefari buuri yu'urɛ. Ana'ampa'aseya doli la Abeereto'e la Ana'amdiŋo poore. Bii Ana'amdiŋo vuurɛ n de bii farefari buuri na'am dia puan ti tu tara yizuo seko n sum ti ba di tiŋa la puan na'am , la yizuo seko n kan ta'am di bii lɛgɛ na'am la. Ti budibela san ta bɔna la na'am yizuo la puan, ti yizukuna duma kɔ'ɔm pɔsera dina e ŋwana bura bura. Hali, parena sɛla ti a pugum ka tabelɛ iŋɛ de a vom puan dɔgela a zuo. Yɛsera la, ba n mi suŋa suŋa ti a pɔri ti a ta'am di bii lɛgɛ na'am la mɛ zuo. Ti la nyaa ta lilege peelumin bo e ti diŋo la de la na'amin la zuo n sɔi. Ti a nyaa dɔgɛ a bia sigɛ ka yu'urɛ Ana'amdiŋo. Ti la pa'alɛ ti, na'am la zuo ti ba dina eŋa.

Ti a nyaa le dɔgɛ Ana'amdiŋo la pooren le sigɛ bikaŋa me Abeereto'e. Ti yudina me vuurɛ de la, ba n di ni eŋa na'am la zuo la, eŋa wan di na'am gee ti eŋa bia me beere wan kelum le to'e na'am la le pa'asɛ. Pooren ti a nyaa le dɔgɛ bia, le sigɛ bikaŋa me yu'urɛ Ana'ampa'aseya. Ti la pa'alɛ ti na'am la kɔ'ɔm kelum pa'asera mɛ eŋa yire la puan.

Ana'ampa'aseya de la bibudibela yu'urɛ farefari buuri yu'ura sika puan.