Akolego

Akolego de la farefari buuri yu'urɛ. Kolego wa vuurɛ ŋwana mɔpi de la"Bakolego" gee tɔgekabelegɔ la n ta'asɛ ti tu kɔ'ɔm ŋmaɛ di gi'i ti "Kolego" la.

Bakolego wa de la farefari buuri bagerɛ ti budibela n bi paɛ ti ka dɛna budaa bii n wan ta'am malum budaanɛ malema yuum dita bii ŋmata ka. Fu ta'am ŋma ka ze'ele bii fu ŋma ka bugera.

Bakolego wa me de la bagesɛka ti fu san ŋma ka gee dɔla ka ŋwana nima nima, yele yele wuu fu san mina ka n boti sɛla la ka n ka boti sɛla, ka ni suŋera fu mɛ ti fu nyɛta fum, fu yire la fu buuri za'a yɛlese'ere n kini na tara sum bii be'em. Gee ti maalegɔ bii gu'a san bɔna ti ya maalɛ ti la ta'am wa'am suŋa bii la gu de.

Ti fu sɔ bii buuri la san ŋma bakolego la gee ti ba dɔgɛ bilia yire la puan, bakolego la ta'am to'e bia la mɛ ti ba nyaa yi'ira ka Akolego.

Akolego ta'am dɛna pugela bii budibela yu'urɛ mɛ farefari buuri yu'ura puan.